Ta rơh vơt, Thủ tướng Chính phủ Phạm Minh Chính lah na nê̆ Việt Nam way nsrôih hăn tĭng trong nchră nău đah dak bah dih đăp mpăn, kan êng, tâm rnglăp, tâm kơl n’hanh hun hao, âk nău kan, âk ding, geh ueh nău tâm boh kan ndrel, nsrôih lăp kan ndrel đah lam dak, lah băl, lah dak kan ndrel tâm knơm, lah dak kan ndrel geh âk nău dơn kan tâm ntŭk rêh jêng lam ntur neh.

Mpeh đah nơm, wa Medvedev lah na nê̆ Đảng ngih dak Nga dơn ngoăy way geh kơl an hun hao nău tâm boh tâm rnglăp kan ndrel lĕ rngôch đah Việt Nam, mât, ndâk nsơm ta ăp trong kan tâm kơl kan way ơm, nkre lah pơk hvi nău tâm kơl kan ta ăp trong kan wăng sa-tăch rgâl, ntuh kơl, văn hóa, pâl nđaih, tâm kơl đah âk ding, tâm nđur ƀon lan. Bar ding ntrôl dăng n’hanh ƀư kloh ueh lơn tay nău tâm kơl bar ding tâm ăp trong kan kơt lah ŭnh nar, tơm pring, khoa học-kĩ thuật, ntĭm nti.