Kêng măng 12/7, Thủ tướng Phạm Minh Chính vơt wa Ivan Petrov, Kruanh rmôt kan ăp ntŭk jao ndơn nchuăn rdeng ndơ lam ntur neh (FIATA). Tâm nar vơt, Thủ tướng đă rmôt kan FIATA uănh kơl an n’hao nau tâm boh ma Việt Nam, kơl an ndâk nkra nau hun hao ntrong kan Logistics Việt Nam tât năm 2035, rƀŏng tât năm 2025, pă mbơh nau rƀŏng uănh, nau mĭn, mbơh nau kan kơl an, nau tă kơt nti nau blau, tâm boh lam ntur neh, kuăl jă ăp tơm ntuh kơl tâm ăp mpong dak lêng têh, kơl nti nŭih pah kan.

Nau kan, mât, rgum, n’hao lơn tay nau dơi ntul rlong ndrel nau nâp nau kan Logistics bah Việt Nam tĭng trong ntrơn rgâl mrô, ntrơn rgâl ndrih, văng sa rjăp, nar lơn geh dŏng dơi nau kan ueh bah nkuăl ndrel lam ntur neh, rgop nau ndâk nau kan văng sa đăp mpăn, ƀư kan êng, nsôih tâm rnglăp đah lam ntur neh jru, nâp, săk tam./.