VOV4.M’nông: Kêng măng 14/2, ta ntŭk kan Chính phủ, Thủ tướng Phạm Minh Chính vơt wa Alok Kumar Sharma, Kruanh n’gâng kan Chính phủ Anh, Kruanh rơh rƀŭn tal 26 ăp ding râng nau tâm tun nsum bah Liên hợp quốc mpeh nau rgâl mhe trôk nar (COP26) dôl geh rơh khâl ndrel pah kan ta Việt Nam gay ntrŭt dăng nau ntrŭnh ƀư săk tam rơh rƀŭn. Ta nar vơt, Thủ tướng rnê Kruanh N’gâng kan Anh hŏ săch Việt Nam lah ngoai tâm ăp ntŭk tât bah rơh khâl Châu Á.

Rơh rƀŭn hŏ pơk luh du rơh mhe tâm nau nsôih lam ntur neh gay ma rdâng đah nau rgâl mhe trôk nar, đah nau tâm ban bah lam ntur neh hăn nsum gay ma leo nau kan sĭt mrô “0” tâm nklang rach năm. Wa Alok Kumar Sharma nkoch tât nau saơ geh rgâl têh ngăn tâm Việt Nam jêh rnôk hăn khâl tâm khay 5/2021, rhơn mpeh ăp nau tă geh bah Việt Nam tâm nau njrăng rdâng srê. Ăp dak hun hao kŏ kơp dơn Việt Nam hŏ tă dơi geh nau kan têh tâm nau ntrŭnh nau chuh n’gang vắc xin./.

Nŭih rblang: H’Thi