Kêng măng 21/7, Thủ tướng Phạm Minh Chính vơt Kruanh n’gâng kan dak si Loà Bounfeng Phoummalaysith dôl khâl, pah kan ta Việt Nam. Thủ tướng lah rjăp, Việt Nam mro tâm dăch, lôch n’hâm kơl an Lào tĭng nau dơi geh ma ndrel rlet nau jêr, lŏ geh hun hao. Tâm nau kan dak si, ntoh ngăn lah ăp nau kan tâm boh tâm nau kan khám, săm ji, ntĭm nti nŭih nai dak si, nkân njrăng srê ji ndrel kơl an n’hao nau mât njrăng trong kan dak si, tâm rnôk geh srê Covid-19, ăp nau kan kơl an vắc xin, ndơ dŏng, dak si, tâm nkoch mbơh nau tă blau kan ndrel đă nŭih hăn kan hŏ rgop nau leo bar dak ăp nhoat hun hao nkân njrăng ndrel rlet bah srê.

Tâm rơh tât, Thủ tướng đă n’gâng kan dak si tâm rgop nau ndâk nau nchrăp luh, ƀư ntrŭnh ân săk tam nau nchrăp kan gưl prêh bah 2 dak, lŏ tâm nchră nau tă blau kan, ngăn lah tâm nau kan ntrŭt dăng nau ntrơn rgâl mrô, khám săm ji tă bah ngai...kơl an, pơk trong nơih tâm nau khám săm ji ân ƀon lan Lào tâm ăp ngih dak si bah Việt Nam, n’hao nau kan ntĭm nti nŭih kan tâm nau kan dak si, pơk hvi tay ăp nau ntĭm nti kan ân tâm di đah nau ŭch geh rnôk aơ bah Lào./.