Kêng măng 14/6, ta ntŭk kan Chính phủ, Thủ tướng Chính phủ Phạm Minh Chính hŏ vơt Kruanh Quốc hội Cộng hoà Bờ biển Ngà Adama Bictogo di rnôk hăn khâl ngăn dak Việt nam. Tâm nar vơt, Thủ tướng Chính phủ Phạm Minh Chính lah rjăp Việt Nam uănh khlay nau ntrŭt dăng tâm boh kan nsum đah Bờ biển Ngà, uănh Bờ Biển Ngà lah ngoai tâm ăp dak khlay bah Việt Nam ta Châu phi.

Bar rđau kan rnê prêh ăp nhoat hun hao ueh tâm nau tâm boh bar ding tâm rơh rlau aơ, ngăn lah tâm nau kan chính trị, nchră nau, văng sa, tăch rgâl, văn hoá, ntĭm nti. Thủ tướng Phạm Minh Chính đă, rơh tât, 2 ding ân đăp mpăn tâm ban nau kan tăch rgâl, âk ntil ndoh ndơ tâm rgâl, n’hao nau tăch luh ăp ntil ndơ geh âk bah Việt Nam ndrel mĭn pơk hvi nau tâm boh tât ăp nau kan geh dơi êng êng./.