Thủ tướng Phạm Minh Chính mbơh, Việt Nam mro uănh khlay ƀư nau jru lơn tâm boh ma Đức tâm ăp nau kan ndrel rnê prêh nau tă geh dơi tâm nau kan tăch rgâl bah Siemens tâm lam ntur neh lah nsum ndrel ta Việt Nam lah êng, ngăn lah ăp nau kan tâm ntrong điện-khí, cơ khí nkra njêng, hun hao ŭnh nar ndrel ƀư ueh nau kan công nghiệp, hun hao trong loih. Gay rgop nau ntrŭnh ăp nau nchrăp kan bah rđau kan gưl prêh 2 dak.

Thủ tướng đă Siemens ntrŭt dăng nau tâm boh đah Việt Nam tâm nau kan prêh, ntrŭt dăng rgâl nau blau mhe, ntrŭt dăng tâm boh ndrih, hun hao nau kan công nghiệp ŭnh nar ndâk mhe, ntrơn rgâl mrô, ndâk ntŭk kan mĭn njêng ndrel hun hao bah Siemens ta Việt Nam.

Siemens lah rmôt kan têh bah Đức, geh âk nau tă blau ndrel trong kan mhe tâm nau kan công nghiệp, mât chăm n’hâm soan, gung trong ndrel hun hao ntŭk ntu ueh mhe. Rmôt kan geh 320 rbăn nŭih ndrel nau geh dơi bah lam ntur neh nklăp 78 rmen ơ-rô tâm năm 2023./.