APM Holding lah tập đoàn tăch rgâl n’hanh ntuh kơl lam ntur neh, pah kan tâm âk nău kan, đah nău ntơm njêng bâh 120 năm, tập đoàn aƀaơ geh măt ta rlău 130 ngih dak đah rlău 100 rbăn nuĭh kan.

Thủ tướng rnê âk nău dơi mpeh prăk, công nghệ n’hanh nău gĭt blău mpeh mât uănh ueh mhe tâm ban kơt nău pah kan ntuh kơl bâh Tập đoàn APM Holding lăp ta Việt Nam, ntop ta nău hun hao bâh n’gâng kan drăp ndơ ta dak lêng n’hanh n’gâng kan wăng sa Việt Nam. Thủ tướng an gĭt Việt Nam geh rlău 3.200km trong kơh dak lêng, geh tâm rmôt 20 n’gâng kan wăng sa geh nău têh tăch rgâl lam ntur neh dŭt têh ngăn. Việt Nam dôl ntrôl dăng hun hao ndơ dŏng ntung trong, tâm nĕ geh ndơ dŏng mpeh nchoăn rdeng ta dak lêng n’hanh mpôl duk ta dak lêng gay ma n’huch rnoh prăk logistics dôl hôm nha âk, n’hao nău tâm rlong bâh drăp ndơ n’hanh n’gâng kan wăng sa. Thủ tướng đă tập đoàn an geh mĭn uănh, tât râng du đê̆ nău kan na nê̆ ma Việt Nam dôl kuăl đă ntuh kơl tâm ban kơt ndrâm dak lêng Liên Chiểu ta Đà Nẵng, ndrâm dak lêng đah dak bah dih Cần Giờ nkuăl ƀon têh Hồ Chí Minh, du đê̆ ndrâm dak lêng ta mpeh Bắc, miền Trung, Tây Nam Bộ.