Bỉ way geh tâm rmôt ăp dak kan ndrel tăch rgâl bôk năp bâh Việt Nam tâm EU n’hanh Việt Nam lah dak kan ndrel dŭt têh bâh Bỉ tâm ASEAN, tâm kơl đah Quốc hội Việt Nam n’hanh Nghị viện Bỉ geh ăp njoat hun hao mhe.

Tâm let năp tay, Thủ tướng đă bar ding an geh n’hao tay nău tâm kơl mbơh kan ăp gâl, ngăn lah gâl têh, ntrôl tâm kơl mpeh wăng sa, tăch rgâl, ntuh kơl, nsrôih ndơ̆ prăk tăch rgâl đah bar ding ơm geh 7 rmen đôlar tâm bar pe năm tay. Kruanh thượng viện Bỉ lah na nê̆, Thượng viện Bỉ mbra nsrôih ntrôl tâm boh kan Việt Nam- Bỉ hun hao têh hvi tay lơn đah âk nău kan, bôk nău kan, nău nchrăp kan na nê̆, tâm nĕ geh ăp trong kan Thủ tướng lĕ ngluh mbơh, ngăn lah mpeh rgâl mhe nău kan, hun hao tăch rgâl, tâm rgop nău pă kơl n’hanh kơl an nuĭh ntưp Dioxin Việt Nam.