VOV4.M’nông: Kêng măng 7/10, Thủ tướng Chính phủ Phạm Minh Chính vơt wa Park Noh Wan, nŭih kan ntoh măt bah Hàn Quốc gŭ kan ta Việt Nam tât ntĭnh di rnôk lôch năm kan  ta Việt Nam. Thủ tướng rnê prêh nau kan bah ntoh măt geh ăp nau rgop khlay tâm nau ntrŭt dăng nau tâm boh đah Việt Nam ndrel Hàn Quốc, ngăn lah nau kơl an nau tâm nthoi đah ăp nkuăl bah Việt Nam ndrel ăp ntŭk kan tăch rgâl, nkuăl bah Hàn Quốc tâm rgop ƀư dơi ăp nau kan.

Tâm nchră đah Thủ tướng Chính phủ đah nsum mpôl ntŭk kan tăch rgâl bah Hàn Quốc gay ma rklaih nau jêr, nkol, rgop nau ơm ƀư jêh nau kan geh nkô̆ nau tăch rgâl bar ding geh rnoh 100 rmen đôla tâm năm 2023 ndrel 150 rmen tâm năm 2030. Thủ tướng Chính phủ Phạm Minh chính lah rjăp, Việt Nam uănh khlay nau tâm boh bar ding đah Hàn Quốc ndrel ŭch nau tâm boh mra geh rjăp lơn ndrel ngăn lơn tay tâm nau tâm boh bah bar dak./.

VOV/Nŭih rblang: H’Thi