VOV4.M’nông: Ta ntŭk kan Chính phủ, Thủ tướng Chính phủ Phạm Minh Chính vơt ntoh măt bah Mông Cổ tât mbah di rnôk ndơn nau kan ta Việt Nam. Tâm nar vơt, Thủ tướng Chính phủ Phạm Minh Chính lah rjăp, bar dak geh nau tâm boh kan nsum vay ơm, tâm kơl an tâm rnôk ndâk njêng ndrel hun hao neh dak, tâm rnôk srê Covid-19 khuch ngăn tât nau kan bah lam ntur neh ndrel nkuăl yơn nau tâm boh bar dak geh mât hun hao.

Thủ tướng đă bar ding lŏ tâm kơl tâm ăp nau tâm nchră âk ding ndrel Mông Cổ lŏ kơl an nau kan bah ASEAN ndrel Việt Nam tâm nau rklaih nau đăp mpăn ân ueh ăp nau tâm pit, đăp mpăn rnă njrăng, đăp mpăn trong mpăr, trong dak lêng tâm Biển Đông. Ntoh măt bah Mông Cổ tâm ban ngăn đah ăp nau đă tâm boh bah Thủ tướng Phạm Minh Chính, lah rjăp mra nsôih tâm rgop ngăn đah ăp ntŭk kan Việt Nam ntrŭt dăng lơn tay nau tâm boh ndrel kan nsum vay ơm đah 2 dak, ntrŭt dăng tâm boh, tăch rgâl, ntuh kơl, gung trong nchuăn rdeng ndrel tâm tâm n’ur ƀon lan./.

Nŭih rblang: H’Thi