Ta rơh vơt, Thủ tướng knơm n’hanh ŭch, bâh nău tâm boh kan ueh đah 2 dak, ăp nău geh tâm kơl lĕ dơi geh n’hanh nău tâm knơm, jăp kan, Samsung mbra lah ngoăy tâm âk chông cờ bôk năp ntrôl nău tâm kơl wăng sa đah 2 dak đah âk nău nchrăp kan mhe geh nău kan lĕ rngôch, an geh n’hao nău geh pah kan tăch rgâl n’hanh pơk hvi tay nău ntuh kơl, mpŏng tât ăp nkô̆ mpŏng kan mhe têh lơn tâm năm 2023 n’hanh ăp năm let năp tay.

Thủ tướng lah na nê̆ Chính phủ Việt Nam ton mbra hăn ndrel, djăt, tâm nchră, ngăch doh rklaih ăp nău jêr, kŏ văk, geh ăp trong kan tâm di đah nău mhe, nta nău dơh nơih an ăp nuĭh ntuh kơl dak bah dih, tâm nĕ geh Samsung ntuh kơl tăch rgâl an săk rnglăy n’hanh hun hao nâp nâl ta Việt Nam đah nău mĭn nău geh ueh, nău tât tâm kơl”.