VOV4.M’nông- Kêng măng nar 10/3, Thủ tướng Phạm Minh Chính vơt wa bu ur Deborah Paul, Đại sứ Canada tât ntĭnh sĭt. Ta rơh tâm mâp, Thủ tướng Phạm Minh Chính rhơn wa Đại sứ lôch ueh năm kan ta Việt Nam, rnê âk nău tâm rgop ueh bâh Đại sứ lĕ tâm rgop ndơ̆ nău tâm boh kan lĕ rngôch Việt Nam- Canada hun hao lơ ma săk rnglăy, na nê̆ ta lĕ rngôch ăp trong kan. Năm 2021, prăk geh tăch ndơ an dak bah dih bar ding bâh 2 dak lĕ geh rlău 6 rmen đôlar, hao 19% đah năm 2020. Thủ tướng dŭt lah ueh Chính phủ n’hanh ƀon lan Campuchia lĕ kơl vacxin an Việt Nam bâh trong kan COVAX, ntop kơl an Việt Nam rêh nsum tâm di đăp mpăn, mât njrăng srê săk rnglăy, knơm pơk mpông n’hanh ndâk nsơm, hun hao wăng sa rêh jêng. Thủ tướng đă bar dak an geh ntrôl tay nău tâm kơl, ngăn lah tâm nău wăng sa, tăch rgâl, ntuh kơl, tâm rdâng đah nuh srê n’hanh njrăng rgâl trôk nar mih sial, hun hao ueh nđir, nâp nâl, ntĭm nti rnoh nuĭh kan geh âk nău dơi kan.

Nuĭh rblang: Thị Đoắt

-