Nar 01/11/2023, thủ tướng Phạm Minh Chính leo mpôl ntơh măt gưl têh Đảng, Ngih dak, Chính phủ, Quốc hội, Mặt trận Tổ quốc Việt Nam tât weh njăt n’hanh nchih tâm pă nău rngot klâng ta Đại sứ quán Trung Quốc ta Việt Nam. Ta lễ weh njăt, Thủ tướng Phạm Minh Chính njuăl nău tâm pă rngot klâng jru bah Tổng Bí thư Nguyễn Phú Trọng, Kruanh dak Võ Văn Thưởng, Kruanh Quốc hội Vương Đình Huệ n’hanh ăp kruanh rđău kan Việt Nam tât Tổng Bí thư, Kruanh Trung Quốc Tập Cận Bình, Thủ tướng Quốc vụ viện Lý Cường, Ủy viên trưởng Nhân đại Triệu Lạc Tế, ăp kruanh rđău kan Trung Quốc n’hanh ur kon rnăk wâl wa Lý Khắc Cường.

Thủ tướng Phạm Minh Chính lah rjăp, Đảng, Ngih dak n’hanh ƀon lan Việt Nam uănh khlay ăp nău rŏng n’hanh nău rgop uĕh bah wa Lý Khắc Cường đah tâm boh bar Đảng, bar dak n’hanh ƀon lan bar dak Việt Nam - Trung Quốc.  Đại sứ Trung Quốc Hùng Ba lah uĕh Tổng Bí thư Nguyễn Phú Trọng, Kruanh dak Võ Văn Thưởng, Thủ tướng Chính phủ Phạm Minh Chính, Kruanh Quốc hội Vương Đình Huệ hŏ geh rơh kuăl điện tâm pă nău rngot klâng tă bah Thủ tướng Phạm Minh Chính leo mpôl ntơh măt gưl têh Đảng, Ngih dak, Chính phủ, Quốc hội, Mặt trận Tổ quốc Việt Nam tât weh njăt n’hanh nchih ta siƀŭt njăt khĭt; lah rjăp Đảng, Chính phủ n’hanh ƀon lan Trung Quốc mbra ntrôl dăng lơn đŏng tâm boh tâm rnglăp, tâm boh lam lĕ rngôch Việt Nam - Trung Quốc.