Wơt Bộ trưởng Bộ Nội vụ Nga, Đại tướng Kolokoltsev Vladimir Alexandrovich n’hanh Mpôl ntơh măt gưl têh Bộ Nội vụ Liên bang Nga dôl khâl Việt Nam, Thủ tướng Chính phủ Phạm Minh Chính dăn đă bar ding an ƀư tay geh nău tam ăp trong tâm boh dôl geh; droh rklaih ăp ntŭk kol khan tâm trong tâm boh gay n’hao dăng tay tâm boh tâm let năp tay.

Ta rơh wơt, Bộ trưởng Bộ Nội vụ Nga lah rjăp, Việt Nam way lah trong an lor tâm boh dak bah dih bah Liên bang Nga; ŭch rŏng ƀư jru hvi tay, ngăn ngăn, geh nău tam lơn tâm boh têh jong lam lĕ rngôch Nga-Việt Nam, lơn lah tâm ăp trong kan chính trị, wăng sa,  tăch rgâl, tâm nđŭr ƀon lan, pâl nđaih tâm ôp nău tă ơm gĭt kan, ntĭm nti tơm nuĭh kan. Thủ tướng dăn đă Nga kan nsum đah Việt Nam ntrŭt ntrôl lơn đŏng ăp nău kan tăch rgâl, ntuh kơl, nkra bah nău hŭch tăch rgâl bar dak; ƀư pă an visa điện tử an ƀon lan Việt Nam; nkra ăp nkô̆ nău pháp lý, nta trong dơh an ƀon lan Việt Nam gŭ rêh, wăng sa, kơt nti ta Nga.