Kêng măng 3/11, ta Nhih pah kan Chính phủ, Thủ tướng Chính phủ Phạm Minh Chính wơt Bộ trưởng Bộ wăng sa, tăch rgâl n’hanh Công nghiệp Nhật Bản Nishimura Yasutoshi dôl khâl, pah kan ta Việt Nam. Ta rơh wơt, Thủ tướng Chính phủ Phạm Minh Chính lah rjăp, Việt Nam way uănh Nhật Bản lah dak tâm boh nsing nơm, khlay bôk năp  n’hanh jŏ jong. 

Bar ding an gĭt tâm boh têh jong jru hvi Việt Nam- Nhật Bản dôl tâm rnôk hun hao dŭt uĕh lăng, têh dăng n’hanh ngăn ngăn ta âk trong kan. Thủ tướng Phạm Minh Chính dăn đă bar ding rdâk tay nău nsing nơm chính trị ma ăp trong hăn khâl, tâm mâp gưl têh tâm ban kơt gưl bộ, n’gâng kan; n’hao  dăng buăt nthoi, tâm boh đah n’gor, doanh nghiệp; ntrŭt ntrôl tâm nđŭr ƀon lan, tâm nê Nhật Bản mĭn uănh ƀư dơh glêh siƀŭt pă an visa, rƀŏng tât rong an dơm visa an nuĭh Việt Nam lăp Nhật Bản gay ntrŭt ntrôl tâm boh pâl nđaih, tâm nđŭr ƀon lan; nta trong dơh an bơi 500 rbăn nuĭh Việt Nam ta Nhật Bản gŭ rêh, kơt nti n’hanh pah kan./.