VOV4.M'nông: Kêng măng 13/4, ta Nhih pah kan Chính phủ, Thủ tướng Chính phủ Phạm Minh Chính hŏ wơt Bộ trưởng Ngoại giao Canada nkhêp geh hăn khâl Việt Nam. Ta rơh wơt, Thủ tướng Phạm Minh Chính mpơl nău rhơn rnôk tâm boh bar dak hun hao tay n'hanh ngăn ngăn. Bộ trưởng Ngoại giao Canada tâm ban ŭch đah nău  dăn đă bah Thủ tướng Phạm Minh Chính mpeh ăp trong kan tâm boh let năp tay, lơn lah rnôk bar dak nkah ndray 50 năm njêng tâm boh tâm brê tâm năm 2023.

Bộ trưởng Ngoại giao Canada an gĭt, hăn khâl gŭ tâm trôm bôk nău kan têh jong Ấn Độ Dương - Thái Bình Dương mhe bah Canada, tĭng nê Canada ŭch rŏng ntrŭt ntrôl tâm boh lơn đŏng đah du đêt dak tâm nkual, tâm nê Việt Nam lah an ƀư lor bôk năp. Bar ding tâm ôp mpeh nkô̆ nău dak lêng đŏng, lah rjăp nău khlay bah trong nkra tâm pit ma trong nsing tâm luật pháp lam ntŭr neh mpeh Công ước bah Liên hợp quốc mpeh Luật biển 1982 (UNCLOS); tĭng ƀư ăp tŏng DOC, hăn tât rdâk njêng COC ngăn ngăn, geh nău tam; đăp mpăn dah rŏng nchuăn rdeng dak  lêng, đăp mpăn, rnă njrăng trong trôk hăn rlău dak lêng, nsing tâm nău geh bah lĕ rngôch ăp dak ./.

Nuĭh rblang: Điểu Thân