VOV4.M'nông: Kêng măng 05/4, ta Nhih pah kan Chính phủ, Thủ tướng Chính phủ Phạm Minh Chính wơt Bộ trưởng Ngoại giao Panama Érika Mouynes tât khâl dơm rnôk geh hăn khâl ngăn Việt Nam ntơm bah nar 04-06/4.  Mpeh tâm boh bar dak, Thủ tướng Chính phủ ŭch rŏng bar dak tâm boh kan nsum tay lhăt, geh nău tam gay Panama jêng ntung njŏ rgop ndơ̆ ndơ tăch Việt Nam lăp tâm ntŭk tăch rgâl Mỹ Latinh, n'hanh rlơ̆ tay, Việt Nam lah mpông rlong gay ndơ Panama lăp  tâm ntŭk tăch rgâl Đông Nam Á. Gay tâm boh bar dak nar lơn ma geh nău dơi ngăn ngăn lơn, Thủ tướng Phạm Minh Chính dăn đă Bộ Ngoại giao n'hanh ăp N'gâng kan bar dak n'hao dăng tâm khâl mpôl kan gưl têh, tâm mâp ăp ding bah meng tâm nchră dak bah dih, mât uĕh n'hanh n'hao nău dơi tam trong kan ôp joi chính trị gưl Thứ trưởng Ngoại giao n'hanh Ủy ban hỗn hợp mpeh tâm boh wăng sa, tăch rgâl n'hanh ntuh kơl Việt Nam- Panama; ntrôl dăng tâm boh ta ăp trong kan bar dak săk geh âk kơt tăch rgâl, nchuăn rdeng dak lêng./.

Nuĭh rblang: Điểu Thân