VOV4.M’nông – Kêng măng 15/6, Thủ tướng Chính phủ Phạm Minh Chính wơt Đại sứ Ai Cập ta Việt Nam tât ôp khâl. Ta nar mâp, Thủ tướng mĭn lah Việt Nam uănh khlay nău way ơm tâm rnglăp, dăch dêh, kan ndrel đah 2 dak Việt Nam-Ai Cập. Thủ tướng đă 2 ding an tâm rgop rjăp gay ndơ̆ tâm boh kan ndrel âk ntil đah 2 dak hăn jru, ngăn ngên n’hanh săk rnglăy tă bah ăp rmôt mkra kơt: n’hao tâm mâp, tâm rgâl mpôl kan tâm ăp ntil chính trị, wăng sa.

Thủ tướng Phạm Minh Chính wơt Đại sứ Ai Cập

Thủ tướng đă 2 ding n’hao kan ndrel tâm ăp ntil lam ntŭr neh n’hanh ta ăp rƀŭn nchră ăp ding; kơl nău mĭn êng bah ASEAN n’hanh Việt Nam mpeh nău dak lêng; ntrôl kan ndrel rnă njrăng-mât njrăng bri dak n’hanh kan ndrel râng rmôt mât ndrăy đăp mpăn bah Liên hợp quốc, tĭng trong tâm ryơk n’hanh nău geh tâm di, di bah ăp dak, rgop an đăp mpăn, tâm rnglăp, kan ndrel n’hanh hun hao tâm nkual n’hanh lam ntŭr neh.

Nuĭh rblang: Y Sưng Phê Ja