VOV4.M’nông – Kêng măng nar 2/8, Thủ tướng Phạm Minh Chính wơt Đại sứ Anh Garth Ward ntĭnh sĭt di rơh lôch năm kan ta Việt Nam. Ta nar wơt, Thủ tướng Chính phủ Phạm Minh Chính uănh lah prêh ăp nău rgop dŭt n’hâm bah Đại sứ tâm năm kan mhe rlău lĕ rgop ndơ̆ tâm boh kan ndrel têh hvi Việt Nam-Anh hun hao nar lơ geh săk rnglăy, ngăn ngên lĕ rngôch ăp nău kan n’hanh ăp trong tâm rnglăp bah dih, ntrôl tâm nđŭr nuĭh ƀon lan. Ta rơh mâp, 2 ding lĕ tâm rgâl mpeh nău lam ntŭr neh n’hanh nkual ndrel uănh tât. Đại sứ Anh nkoch nău kơl êng bah ASEAN n’hanh Việt Nam mpeh đăp mpăn rnă njrăng, dah rŏng trong ndeh păr, trong dak lêng n’hanh mkra ăp nău tâm pit ta Biển Đông đah ăp trong mkra đăp mpăn tĭng tâm luật pháp, ngăn lah Hiến chương Liên hợp quốc n’hanh Công ước Liên hợp quốc mpeh Luật dak lêng năm 1982.

Nuĭh rblang: Y Sưng Phê Ja