Tâm kêng măng 6/7 đŏng, ta ngih pah kan Chính phủ, Thủ tướng Phạm Minh Chính lĕ wơt wa bu ur Datin Paduka Malai Hajah Malai Haji Yussof, Đại sứ Brunei mhe ta Việt Nam. Thủ tướng mĭn lah mpeh Việt Nam mbra tâm rgop  rjăp, nta nơih n’hanh ntop kơl Đại sứ lôch uĕh ăp nău kan, rgop ntrôl tâm boh dăch dêh, kan ndrel đah 2 dak hun hao nar lơ ngăn ngên, lĕ rngôch, săk rnglăy.

Thủ tướng đă tâm năm kan bah nơm, Đại sứ rgum tâm rgop rmôt kan gưl prêh n’hanh ăp gưl geh tât bah Việt Nam n’hanh Brunei ntrŭt ntrôl tay tâm rgâl rmôt kan gưl prêh n’hanh ăp gưl, tâm rgop ta ăp rơh rƀŭn ăp ding; na nao uănh nđôi, ntrŭt đă n’hanh mbơh ƀư săk rnglăy ăp tâm ton bah kruanh gưl prêh; tâm rgop mbơh ƀư săk rnglăy Bôk nău kan mbơh ƀư tâm boh kan ndrel lĕ rngôch Việt Nam-Brunei lvang 2023-2027, rgum tâm 4 ntil nău khlay geh pring xăng, hóa chất, nkret njêng ndơ sông sa Halal, pâl nđaih n’hanh tâm nđŭrrr nuĭh ƀon lan.