Kêng măng 6/11, ta ngih kan  Chính phủ, Thủ tướng Phạm Minh Chính lĕ wơt wa Karl Van Den Bossche, Đại sứ đặc mệnh toàn quyền dak Bỉ ta Việt Nam nkhêp di Đại sứ dơn nău kan pah kan ta dak he. Ta nar wơt, Thủ tướng Chính phủ Phạm Minh Chính mĭn lah Việt Nam uănh khlay mro tâm boh đah Bỉ, nkoch nău mpŏng tâm rơh năm kan bah nơm, Đại sứ mbra rgop dŭt n’hâm tâm nău hun hao tâm boh dăch dêh n’hanh kan ndrel đah Việt Nam n’hanh Bỉ.

Lam ntŭk wơt

Thủ tướng đă 2 dak kan ndrel tay, tâm kơl ndrel ta ăp rƀŭn nchră ăp ding n’hanh ƀư lam ntŭr neh, ngăn lah ta Liên hợp quốc, ASEAN, Pháp ngữ, ASEAN-EU... n’hanh tâm rgop ƀư lôch uĕh Rƀŭn nchră gưl prêh ASEAN-EU tâm n’gul khay 12 tât ta Bỉ. Mpeh nău Biển Đông, 2 ding tâm ban ŭch khlay bah nău mât đăp mpăn, rnă njrăng, n’hanh dah rŏng trong dak lêng n’hanh trong mpăr, mkra đăp mpăn ăp nău tâm pit nsing tâm luật pháp lam ntŭr neh, tâm nĕ geh Công ước Liên hợp quốc mpeh Luật dak lêng 1982.