VOV4.M’nông – Kêng măng 6/9, Thủ tướng Phạm Minh Chính wơt wa Khuong Sreng, Đô trưởng, Kruanh Đảng bộ Đảng Nhân dân Campuchia Thủ đô Phnom Penh (Campuchia) dôl khâl, pah kan ta Thủ đô Hà Nội n’hanh Nkual ƀon têh Hồ Chí Minh. Ta nar wơt, Thủ tướng Phạm Minh Chính uănh lah tâm năm bah năp, kan ndrel đah 2 dak dơi mât hun hao đăp mpăn; Kruanh gưl prêh 2 dak mât tay tâm mâp, tâm rgâl ƀa ƀơ, lơn lah rơh mâp gưl prêh đah Tổng Bí thư Nguyễn Phú Trọng, Kruanh Đảng Nhân dân Campuchia, Thủ tướng chính phủ dak Campuchia Hun Sen n’hanh Tổng Bí thư, Kruanh dak Lào Thongloun Sisoulith; ăp trong ƀư kan ndrel ăp ding mât săk rnglăy.

Thủ tướng Phạm Minh Chính wơt Đô trưởng, Phnom Penh

Thủ tướng đă 2 ding kan ndrel tay ntrôl tâm boh 2 dak ta ăp nău kan; mât njrăng n’hanh ndâk njêng trong n’har bri đăp mpăn, dăch dêh, kan ndrel n’hanh hun hao, ntrôl wăng sa mpông n’har bri; nta nơih an ăp doanh nghiệp 2 dak ntuh kơl, pah kan, kan ndrel nkra njêng tăch rgâl; n’hao kan ndrel ntĭm nti, tâm nđŭr văn hóa, pâl nđaih.

Nŭih blang: Y Sưng Phê Ja