Ôi 25/11, ta Nhih pah kan Chính phủ, Thủ tướng Chính phủ Phạm Minh Chính hŏ wơt Groi Thủ tướng, Bộ trưởng Quốc phòng Australia Richard Marles dôl khâl Việt Nam.

 Thủ tướng Phạm Minh Chính rhơn rnê Groi Thủ tướng, Bộ trưởng Quốc phòng Australia khâl Việt Nam. Nuĭh mât bôk kan Chính phủ Việt Nam rnê âk nău dơi tâm boh njrăng n'gang neh dak đah bar dak tâm bah ri aơ, lah ntŭk chrat ang tâm boh đah bar dak, lơn lah tâm trong ntĭm nti, mât đăp mpăn Liên hợp quốc, quân y, lơn lah tâm nchră Bộ trưởng Quốc phòng ăp dak ASEAN Pơk hvi (ADMM+).

Thủ tướng Phạm Minh Chính dăn đă bar ding an ƀư tay ăp trong kan tâm boh dôl geh aƀaơ, an ƀư lor ntrŭt ntrôl tâm boh đăp mpăn Liên hợp quốc; dăn đă Australia uănh khlay ntop kơl nchuăn rdeng Nhih dak si manh ntăm ƀư gưl 2 bah Việt Nam tât Nam Sudan tâm năm 2023, tâm ban kơt ăp năm bah kơi  nê, bah nê, mpơl dơi nău dơn kan bah lĕ bar ding đah ăp nkô̆ nău nsum lam ntŭr neh.

VOV/Nuĭh rblang: Điểu Thân