Kêng măng 05/12, ta Nhih pah kan Chính phủ, Thủ tướng Chính phủ Phạm Minh Chính hŏ wơt Groi Tổng thống Cộng hòa Liên bang Nigeria, Wa  Yemi Osinbajo dôl geh hăn khâl ngăn Việt Nam ntơm bah nar 05-07/12/2022. Ta rơh wơt, Thủ tướng Phạm Minh Chính rnê âk ăp nău dơi khlay ma Nigeria tâm nău dơi mât đăp mpăn chính trị, hun hao wăng sa - rêh jêng kon nuĭh, rdâng lơh đah nuh srê Covid-19, mât dơi ntŭk gŭ kan lah ngoăy tâm ăp jâng wăng sa dŭt têh châu Phi.

Tâm ôp ăp trong nkra na nê̆ gay ntrŭt ntrôl tâm boh bar ding, Thủ tướng Chính phủ dăn đă bar ding ân kan nsum lhăt gay n'hao tâm boh âk ntil đah bar dak lăp jru, ngăn ngăn n'hanh nsĭt geh nău dơi ma ăp rmôt trong nkra kơt n'hao âk rơh tâm mâp, tâm rgâl mpôl hăn khâl gay n'hao âk tâm gĭt wât nsum, nsing nơm nsum n'hanh n'hao âk trong geh tâm boh tâm ăp trong kan ma ăp dak săk geh tâm kơi ntop kơl nsum, lơn lah wăng sa . Tâm ôp mpeh ăp nkô̆ nău dak bah dih n'hanh nkual, bar ding tâm ban ŭch an lah nău khlay bah nău nkra tâm pit ma ăp trong nsing ta pháp luật lam ntŭr neh.

VOV/Nuĭh rblang: Điểu Thân