Kêng măng 24/4, ta Nhih pah kan Chính phủ, Thủ tướng Chính phủ Phạm Minh Chính hŏ wơt mpôl kruanh rđău kan Bộ Nông nghiệp ăp  dak râng Tâm nchră lam ntŭr neh tâl 4 mpeh ndơ sa puăch ka jŏ jong (SFS) đah  nkô̆ “Rgâl lam trong kan ndơ sa puăch ka kloh uĕh,  jŏ jong, bên di đah rgâl trôk nar n’hanh nkrum lam tâm rnôk duh jêr mhe”.

Ta rơh wơt, Nuĭh mât bôk Chính phủ Việt Nam dăn đă ăp dak dôl hun hao n’hao dăng tâm boh geh nău tam Nam-Nam, tâm nê Việt Nam mbra tâm pă nău tă ơm gĭt kan n’hanh tâm boh đah ăp dak tâm hun hao tuch tăm mât rong, thôn ƀon, jut jăng ji ngot n’hŭch ach o, đăp mpăn tŏng ăp ndơ sa ma ăp bôk nău kan tâm boh Nam- Nam, tâm boh pe ding đah nău ntop kơl, ndrel hăn bah ăp băl tâm boh dak bah dih bar ding n’hanh âk ding, tĭng ƀư geh nău tam rgâl lam trong kan ndơ sa puăch ka n’hanh n’hao dăng tâm boh dak bah dih tâm trong kan tuch tăm mât rong, thôn ƀon tâm let năp tay, Thủ tướng dăn đă ăp ding geh tât ân n’hao nău gĭt êng mpeh ntŭk gŭ, nău khlay kan bah n’gâng kan tuch tăm, rdâk njêng nău way, wăch rgum tơm prăk, gŭ mĭn n’hanh dŏng công nghệ.