VOV4.M’nông – Ôi nar 17/3, Thủ tướng Chính phủ Phạm Minh Chính lĕ wơt Kruanh n’gâng kan nchră nău Ả-rập Xê-út Hoàng thân Faisal Bin Farhan Al Saud tât ôp ngơi. Ntoh ngơi ta nar wơt, Thủ tướng Chính phủ đă 2 dak n’hao ăp nău ƀư tâm rgâl rmôt n’hanh mâp đah Kruanh 2 dak; n’hao kan ndrel đah 2 Kruanh N’gâng kan tâm rnglăp nchră nău n’hanh tâm nđŭr nuĭh ƀon lan, tâm nđŭr văn hóa đah 2 dak.

Lam ntŭk ta nar wơt.

Thủ tướng đă mpeh Ả-rập Xê-út ơm rơih jăng lĕ rngôch nău đă mô an nglăp rwăt đah tuy ka Việt Nam, n’hao nglăp rwăt ăp ntil ndơ lŏ mir bah Việt Nam, pơk hvi ntŭk tăch đah ăp ndoh ndơ đah 2 dak, tâm pă nău blău ơm ntop kơl Việt Nam gĭt tât ntŭk tăch ndoh ndơ n’hanh ndơ tĭng uĕh di Hồi giáo Halal, nta nơih an ăp doanh nghiệp Việt Nam tâm nău râng ăp nău nchrăp ƀư pă an ndơ pring xăng ta Ả-rập Xê-út n’hanh dơi tâm rgâl nu nău mhe, tâm pă nău blău ơm đah ăp ding Ả-rập Xê-út tâm ăp nău kan mkra dak chiăt bôh, ŭnh nar n’hanh công nghiệp.

Nŭih blang: Y Sưng Phê Ja