VOV4.M'nông: Ôi 20/5, ta Hà Nội, Thủ tướng Phạm Minh Chính wơt kruanh Quốc hội Singapore Tan Chuan-Jin dôl khâl ngăn Việt Nam. Ta rơh wơt, Thủ tướng Phạm Minh Chính dăn đă bar ding tâm khâl, tâm mâp gưl têh n'hanh ăp gưl ta lĕ rngôch ăp trong kan; an  ƀư geh nău tam nău way trong kan, nău tâm ton tâm boh bar ding, lơn lah Tâm nchră Bộ trưởng mpeh buăt nthoi wăng sa Việt Nam - Singapore.

Thủ tướng ŭch rŏng Quốc hội bar ding tâm kơl nsum, nta trong dơh an dâk hao tay n'hanh hun hao wăng sa lôch bah kơi nuh srê, tâm nê rgum tâm ăp trong kan Singapore săk geh âk n'hanh Việt Nam ŭch rvăt dŏng kơt: rgâl blău mhe, ŭnh nar kloh uĕh, wăng sa mbrô, âk trong pă an ndơ tăch lam ntŭr neh. Bar kruanh rđău kan tâm ôp mpeh nô nău tâm nkual, lam ntŭr neh n'hanh ăp nkô̆ nău ma bar ding uănh khlay đŏng, tâm nê lah rjăp ASEAN ân rôih sŏng nău mĭn mpeh nău way dak lêng, nkra tâm pit ma trong ƀư đăp mpăn nsing kalơ luật pháp lam ntŭr neh lĕ ma Công ước Liên hợp quốc mpeh Luật Biển 1982 (UNCLOS 1982) n'hanh nău khlay bah nău mâp đăp mpăn, dah rŏng, rnă njrăng, đăp mpăn nchuăn rdeng dak lêng n'hanh trong trôk hăn rlău dak lêng./.

Nuĭh rblang: Điểu Thân