Kêng măng (9/8), Thủ tướng Chính phủ Phạm Minh Chính hŏ wơt wa Robert Ford, Kruanh nkre ƀư Tổng giám đốc Tập đoàn Abbott bah Hoa Kỳ way mpeh  mât chăm n’hâm suan lam ntŭr neh. Ta rơh wơt, Thủ tướng Phạm Minh Chính lah rjăp, Việt Nam way uănh khlay tâm boh lam lĕ rngôch đah Hoa Kỳ, rnê âk ăp nău hun hao dăng tâm boh wăng sa- tăch rgâl- ntuh kơl đah bar dak.

Thủ tướng lah rjăp, Việt Nam ntrŏng nău mât chăm n’hâm suan, mât njrăng săk rêh bah ƀon lan way lah nău dơn kan dŭt n’hâm khlay; dăn đă Abbott ntrôl dăng ntuh kơl, tâm boh tâm ăp trong kan ma Việt Nam dôl ŭch geh  khlay kơt: n’hao têh jong săk, n’hâm suan dăng bah nuĭh Việt Nam, tâm nê geh nkô̆ nău ndơ sa sĭt dăng suan; hun hao n’gâng kan công nghiệp dược phẩm, công nghệ sinh học…Kruanh Tập đoàn Abbott mbah rhơn Việt Nam hŏ hăn lor tâm nkual tâm trong ndơ sa sĭt suan, đah ăp nău tă ơm gĭt khlay ma âk dak êng mbra dơi kơt nti. Abbott ton ntuh kơl, tăch rgâl jŏ jong ta Việt Nam n’hanh mbra tâm boh lhăt đah Việt Nam tâm ăp trong kan Thủ tướng hŏ geh nău đă.