VOV4.M’nông – Kêng măng 8/3 Thủ tướng Phạm Minh Chính lĕ wơt mpôl doanh nghiệp rgop kan tăch rgâl Hoa Kỳ- ASEAN (USABC). Ta nar wơt, Thủ tướng an gĭt Việt Nam uănh khlay mro n’hanh ŭch ƀư jru tay lơn, hun hao tâm boh kan ndrel lĕ rngôch Việt Nam-Hoa Kỳ hao prêh mhe n’hanh săk rnglăy lơn, tâm nĕ kan ndrel wăng sa-tăch rgâl-ntuh kơl lah n’gâng tơm ntrŭt dăng tâm boh 2 dak. Ăp doanh nghiệp uănh lah prêh ăp nău kơl dŭt n’hâm kơl doanh nghiệp tâm rnôk jêr jŏt yor Covid-19; nkoch nău uĕh bah năp ăp săk rnglăy njrăng n’gang srê đah rnoh chuh âk bôk năp lam ntŭr neh n’hanh nău tâm di đăp mpăn, ngăch, uănh nđôi tam chôt srê bah Việt Nam. Ăp doanh nghiệp nkoch du đêt nău dăn đă, mĭn lah ŭch n’hao kan ndrel, tăch rgâl ta Việt Nam, lơn lah tâm ăp nău kan: Rgâl ŭnh nar, n’hŭch duh carbon; rgâl mrô, rgop ndơ̆ jâng wăng sa mrô Việt Nam hao têh bah 21 rmen đôlar năm 2021 hao 57 rmen đôlar tâm năm 2025.

          Nuĭh rblang: Y Sưng Phê Ja