VOV4.M'nông: Kêng măng 2/6, ta Nhih pah kan Chính phủ, Thủ tướng Phạm Minh Chính hŏ wơt Trung tướng Khamlieng Outhakaysone, Thứ trưởng Bộ Quốc phòng, Tổng Tham mưu trưởng tahen lan Lào n'hanh mpôl ntơh măt tahen gưl têh Lào dôl geh hăn khâl ngăn Việt Nam.

Ta rơh wơt, Thủ tướng lah rjăp Đảng, Ngih dak, Chính phủ n'hanh ƀon lan Việt Nam dŭt n'hâm uănh khlay ntrŭt ntrôl tâm boh đah Lào; n'hao dăng tay n'hanh rdâk tay tâm boh tâm rnglăp way ơm n'hanh tâm boh lam lĕ rngôch Việt Nam-Lào hŏ dơi ăp rơh kơn kruanh rđău kan âk năm khlay bun dăp. Trong kan mô rgâl bah Việt Nam lah nsrôih tay lĕ n'hâm suan bah he đah nău nsrôih dŭt têh gay ndrel Lào ntrŭt ntrôl tâm boh krêp dêh đah bar dak nar lơn ma lăp jru, ngăn ngăn n'hanh geh nău tam ta lĕ rngôch ăp trong kan. Tâm nê, tâm boh njrăng n'gang neh dak Việt Nam-Lào way lah ngoăy tâm ăp n'gâng tơm khlay bah tâm boh bar dak, yor ma đăp mpăn n'hanh hun hao bah ăp dak n'hanh rgop mât đăp mpăn ta nkual n'hanh lam ntŭr neh./.

Nuĭh rblang: Điểu Thân