VOV4.M’nông-  Ôi nar 10/3, ta ntŭk kan rơh rƀŭn nchră ngih dak, Thủ đô Hà Nội, Đại hội đại biểu bu ur lam dak tal 13, năm kan 2022-2027 lĕ ntơm pơk đah 959 đại biểu tât râng, ndơn kan an ăp nuĭh bu ur ta lam dak.

Ủy viên Bộ chính trị, Thủ tướng chính phủ Phạm Minh Chính râng rơh ntơm pơk. Ntoh ngơi ta Đại hội, Thủ tướng chính phủ Phạm minh Chính lah na nê̆, tâm lĕ nău kan bâh ntơm rdâk njêng ngih dak n’hanh mât neh dak, bol ma ta ăp rơh, ăp nău kan, đah trong kan, nău mĭn, nău dơi, nău tâm kơl, nău nsrôih hun hao, bu ur Việt Nam lĕ rlet rlău âk nău tât, nău tâm nkhah, nău kŏ văk, geh ăp nău tâm rgop, nău ntop kan têh kuăng, ntop rdâk njêng n’hanh mât nâp nâl neh dak Việt Nam. Gay ma ƀư dơi ăp nkô̆ mpŏng hun hao neh dak tâm let năp tay, Thủ tướng đă, an geh n’hao soan pah kan tâm rnglăp lĕ mpôl rnoi, tâm nĕ geh nău kan dŭt khlăy bâh bu ur. Thủ tướng lĕ ŭch đah trong kan, nău kan ta năm kan 2022-2027, ăp nkô̆ mpŏng kan, nău kan mhe n’hanh nău kan tơm khlăy tâm nău kan lĕ mbơh tơih ta rơh rƀŭn nchră bâh Đại hội.

Nuĭh rblang: Thị Đoắt