Nar ntri (17/8), Thủ tướng Chính phủ Phạm Minh Chính râng Đại hội njêng Mpôl Công an ơm ƀon lan Việt Nam năm kan 2023 – 2028. Lah ta Đại hội Thủ tướng lah rjăp, Mpôl Công an ơm ƀon lan lah ăp nuĭh hŏ rlău rơh tiăr nti n’hanh têh jêng rlău ăp rơh tâm lơh tâm su, rlău ăp rơh rlăch ndăng mât rnă njrăng neh dak, hŏ geh ăp n’hâm suan rgop têh kuâng an n’gâng kan rlăch ndăng rklaih luh rnoi nuĭh, rdâk njêng n’hanh mât njrăng neh dak; n’hanh aƀaơ dôl lah du mpôl kan dŭt khlay bah nău rêh.

Thủ tướng lah rjăp, Đảng, Ngih dak way ŭanh khlay n’hanh rnê âk ăp nău rgop khlay bah mpôl Công an ƀon lan ơm tâm n’gâng kan rdâk njêng n’hanh mât njrăng neh dak; hŏ geh âk trong nchrăp rgum suan dăng bah mpôl Công an ƀon lan ơm  tâm n’gâng kan rdâk njêng neh dak n’hanh lơn lah chế độ, trong  kơl đah cán bộ Công an rlu ranh; hŏ rđău đă,  nchŏng đă Đảng ủy Công an Trung ương, Bộ Công an nta trong dơh an njêng, dăp rgum ăp tŏng Câu lạc bộ, Ban liên lạc Công an rlu ranh ăp gưl bah Trung ương tât n’gor tâm dâng.