Tâm rơh khâl na nê̆ dak Bỉ, kêng măng 15/12, Thủ tướng Chính phủ Phạm Minh Chính lĕ râng rƀŭn nchră Doanh nghiệp Việt Nam-Bỉ. Ntoh ngơi ta rƀŭn, Thủ tướng an gĭt, tâm boh dăch dêh n’hanh kan ndrel Việt Nam n’hanh dak Bỉ dôl rgâl hao dŭt uĕh n’hanh mô rlu dơi nâp nâl n’hanh hun hao lĕ rngôch ăp nău kan bah chính trị, wăng sa, văn hóa, ntĭm nti...

Thủ tướng râng rƀŭn nchră doanh nghiệp Việt Nam-Bỉ

Aƀaơ hin, Bỉ geh dĭng lĕ prăk dăn ntuh kơl ta Việt Nam hao bơi 1,1 rmen đôlar; prăk geh tăch rgâl 2 dak Việt Nam n’hanh Bỉ năm 2022 geh bơi 5 rmen đôlar. Thủ tướng mpŏng ăp doanh nghiệp Bỉ n’hanh châu Âu rgâl hao tay ndơ, âk ntil ntŭk tăch rgâl, âk ntil trong pă an... gay ntrôl nkra njêng tăch rgâl săk rnglăy nâp nâl ta Việt Nam; dăn đă doanh nghiệp Bỉ n’hanh châu Âu ntuh kơl tay n’hanh kuăl jă tay ăp doanh nghiệp băl ntuh kơl an Việt Nam