Tâm rơh khâl na nê̆ Hà Lan, Thủ tướng Phạm Minh Chính lĕ râng rƀŭn nchră Doanh nghiệp Việt Nam-Hà Lan. Ntoh ngơi ta nău ƀư, Thủ tướng Phạm Minh Chính mbơh mpeh nău rgum nchră ngăn ngên, rah rơih n’hanh săk rnglăy đah Thủ tướng dak Hà Lan Mark Rutte.

Thủ tướng râng rƀŭn nchră Doanh nghiệp Việt Nam-Hà Lan

Thủ tướng lah rjăp, Hà Lan lah dak geh âk nău blău ntuh kơl ta Việt Nam. Hà Lan lah nuĭh ntuh kơl têh ngăn tâm du đêt ăp dak EU ntuh kơl an Việt Nam, lah dak tăch rgâl têh tal 2 bah Việt Nam ta châu Âu. Năm tât, đah ăp nău nsrôih, dŭt n’hâm bah 2 ding n’hanh lĕ rngôch lah nău dăch dêh nâp nâl bah nuĭh ƀon lan 2 dak, Thủ tướng nsing nơm, kan ndrel ntuh kơl-tăch rgâl mbra lah n’gâng tơm khlay tâm boh đah Việt Nam-Hà Lan, nkre lah nuih n’hâm gay ndơ̆ tâm boh kan ndrel đah 2 dak hao prêh mhe.