VOV4.M’nông –  Ôi 28/4, Thủ tướng Chính phủ Phạm Minh Chính  râng rƀŭn nchră ntrŭt ngăch ntuh kơl n’gor Sóc Trăng năm 2022 đah bôk nău “Hăn ndrel-kan ndrel-hun hao”. Ta Rƀŭn nchră kruanh ăp n’gâng kan, nău kan ntoh ngơi ƀư kloh lơn mpeh nău geh, dơi hun hao bah n’gor Sóc Trăng n’hanh dâng rđŭng dak me Cửu Long lah nsum. Ntoh ngơi ta Rƀŭn nchră, Thủ tướng Chính phủ Phạm Minh Chính nkoch mpeh 13 nău gay ndâk ƀư n’hanh hun hao ntŭk ntô ntuh kơl, trong ntuh kơl rƀŏng tât nău ŭch 12 rplay sam ƀŭt:

Thủ tướng râng Rƀŭn nchră ntrŭt ngăch ntuh kơl n’gor Sóc Trăng năm 2022

“Mbơh, kloh rah wah, tâm ban, đăp mpăn, săk rnglăy, nâp nâl”. Ta rƀŭn nchră, n’gor Sóc Trăng lĕ an ntrŭnh ntuh kơl, sam ƀŭt kơp dơn dăn ntuh kơl an 4 nău nchrăp ƀư đah dĭng lĕ ntuh kơl dăn ƀư geh rlău 12 rbăn rmen prăk n’hanh ký nkah gĭt mĭn njêng uănh ntuh kơl đah ăp doanh nghiệp đah dĭng lĕ rnoh ntuh kơl dăn ƀư rlău 200 rbăn rmen prăk.

Nŭih blang: Y Sưng Phê Ja