VOV4.M'nông: Ôi (21/2), ta Hà Nội, Thủ tướng Chính phủ Phạm Minh Chính râng n'hanh geh nău lah khlay ta rơh Rgum nchră Doanh nghiệp Việt Nam ăp năm đah nkô̆ “Dâk hao tay n'hanh hun hao rêng pă an ndơ tăch tâm rnôk nô nău kơt ơm mhe". Lah ta rơh rgum nchră, Thủ tướng Chính phủ Phạm Minh Chính lah rjăp, năm 2022 lah năm geh nkô̆ dŭt khlay đah Việt Nam, njêng jâng nsan gay tât ăp rnoh kan, rƀŏng trong hăn jŏ jong tât năm 2030.

Việt Nam dôl geh rnôk hun hao dăng nsing ta suan dăng rgum gưl neh dak, săk geh, ntŭk gŭ kan khlay, nsing nơm neh dak lôch 35 năm rgâl mhe. Aơ lah rnôk ntul rlong han săk, nău blău mhe n'hanh nău dơi bên di bah lĕ ma Chính phủ n'hanh doanh nghiệp gay ndrel rlău jêr jŏt kalơ nuih n'hâm "ndrel tâm pă nău krit jêr", "nău geh tâm ban, rmoh rman  tâm pă”. Ta năp măt tĭng ƀư geh nău tam bôk nău kan dâk hao tay n'hanh hun hao wăng sa- rêh jêng kon nuĭh, nkre đah bôk nău kan rgum lam njrăng n'gang nuh srê COVID-19, ntrôl ngăch trong chuh vaccine./.

Nuĭh rblang: Điểu Thân