VOV4.M'nông: Ôi (8/3) Liên đoàn Thương mại n'hanh Công nghiệp Việt Nam, Hiệp hội Thương mại Hoa Kỳ ta Hà Nội n'hanh Jrô kan tăch rgâl Hoa Kỳ ta Washington ndrel ƀư tâm nchră gưl têh tăch rgâl Việt Nam - Hoa Kỳ  năm 2022 ta Hà Nội tĭng trong ƀư mâp na nê̆ nkre đah pơk sŏng dăng.

Thủ Tướng Chính Phủ Phạm Minh Chính râng n'hanh geh nău rđău đă tâm nchră. Lah ta rnôk tâm nchră, Thủ tướng Chính phủ Phạm Minh Chính lah rjăp, trong kan mbro mbrăng bah Việt Nam way uănh Hoa Kỳ lah ngoăy tâm ăp dak tâm boh khlay dâk bôk năp. Thủ tướng lah rjăp, Chính phủ Việt Nam ton mbra nta trong dơh gay ăp doanh nghiệp Hoa Kỳ ntuh kơl, tăch rgâl ta Việt Nam, lơn lah tâm ăp trong kan ma Hoa Kỳ săk geh âk n'hanh Việt Nam dôl ŭch rŏng hun hao kơt: ŭnh nar sĭt jêng  tay, ŭnh nar kloh uĕh n'hanh nâp dăng, buăt nthoi ndơ dŏng ntung trong, prăk kaih, ngân hàng, ntĭm nti, pâl nđaih, công nghệ mhe, tuch tăm mât rong công nghệ mhe./.

Nuĭh rblang: Điểu Thân