VOV4.M'nông: Ôi 22/8, ta Hà Nội, Thủ tướng Phạm Minh Chính râng Tâm nchră mbơh gĭt jru hvi n'hanh an tĭng ƀư Nghị quyết mbrô 8 bah Bộ Chính trị mpeh ntrôl dăng hun hao công nghiệp quốc phòng tât năm 2030 n'hanh ăp năm bah kơi nê tă bah Quân ủy Trung ương - Bộ Quốc phòng ƀư.

Lah ta rơh rđău đă tâm nchră, Thủ tướng Chính phủ Phạm Minh Chính lah rjăp, Nghị quyết mbrô 08 mpơl nău uănh khlay jru, nău mpŏng n'hanh nău nsing nơm bah Đảng, Ngih dak n'hanh ƀon lan đah n'gâng kan Công nghiệp Quốc phòng, ƀư tât jêng ngăn ngăn rdâk njêng tahen tât năm 2025 đăng hăr, glêh, dăng, ntơm jâng gay nâp dăng, nsrôih tât năm 2030 rdâk njêng Tahen ƀon lan cách mạng, chính quy, ngăch prăl, têh mhe. Nkre, nău tĭng ƀư Nghị quyết mbrô 08 rgop ntrŭt ntrôl công nghiệp mhe, uĕh mhe neh dak, rdâk njêng jâng nsing wăng sa lor nchrăp êng; nsrôih lăp rgum dak bah dih jru hvi, ngăn ngăn n'hanh nsĭt geh nău dơi./.

Nuĭh rblang: Điểu Thân