Kêng măng 03/8, Thủ tướng Chính phủ Phạm Minh Chính ƀư tơm rơh tâm nchră ŭanh năl jêh geh tĭng ƀư Nghị quyết mbrô 33 bah Chính phủ n’hanh dăn đă ăp trong nkra mpeh droh rklaih jêr jŏt an ntŭk tăch rgâl neh ntu. Lôch rnôk djăt ăp nău rgop bah ăp kruanh rđău kan ăp n’gor n’hanh ăp doanh nghiệp, lah ta rnôk tâm nchră, Thủ tướng Phạm Minh Chính lah rjăp, trong kan tăch rgâl neh ntu lah ngoăy tâm ăp n’gâng tơm bah jâng wăng sa, ŭanh khlay nău tâm pă, rdâk tay ntŭk tăch rgâl hăn ndrel đah mât kân rmoh rman.

Chính phủ, Thủ tướng Chính phủ rđău đă lĕ n’hâm suan, ndrel hăn đah n’gor, doanh nghiệp gay droh rklaih jêr jŏt an ntŭk tăch rgâl neh ntu. Bah meng nê Thủ tướng jao ăp n’gâng kan geh tât nsing tâm nău dơi, nău dơn kan dơi jao lor nchrăp droh rklaih jêr jŏt an ntŭk tăch rgâl neh ntu mpeh trong kan mât uănh; dăn đă đah ăp nkô̆ nău ntoh luh, rlău n’glĕ nău dơi kan.