Lah ta rơh lễ nkhôm rnê Búa liềm vàng tâl VIII, Thủ tướng Phạm Minh Chính lah rjăp, ân êng uănh khlay n’hanh ntrŭt ntrôl dăng lơn pah kan rdâk njêng, rmăn Đảng lam lĕ  rngôch. Thủ tướng nkoch kloh, rlău 8 tơ̆  ƀư, nkhôm rnê Búa liềm vàng hŏ  năl dơi nău nsing nơm, ntŭk gŭ kan khlay tâm lam rêng nkhôm rnê báo chí neh  dak, dơn geh nău uănh khlay jru hvi, nău rđău đă bah ăp gưl ủy Đảng, wăch rgum nău tât râng âk mpưm bah  ăp rơh kơn ƀon lan, hŏ jêng nar kan khlay kâp tât, mpŏng geh bah meng rơh nkah ndray nar njêng Đảng ăp năm n’hanh aơ lah nău năl săk ntơ lư, nsing nơm, suan rêng lam  bah rơh nkhôm rnê.

Gay  tŏng uĕh  nău  dơn kan tâm let năp tay, thủ tướng ŭch rŏng n’hanh nsing nơm ndơ nkhôm rnê Búa liềm vàng ntik uĕh lơn đŏng ăp nău dơi hŏ geh, joi  tay nău rgâl mhe, njêng mhe  gay nar lơn ma rêng lam suan rêh dăng n’hanh ring tam uĕh bah rơh nkhôm rnê, rgop rdâk njêng, rmăn găl Đảng, rdâk njêng lam trong kan chính trị n’hanh rdâk njêng rmôt cán bộ kloh rsang, nâp  dăng; rgop uĕh, geh nău tam tâm rơh rdâk njêng n’hanh mât njrăng neh dak Việt Nam xã hội chủ nghĩa; yor nău ŭch ƀon lan  geh ndrŏng, neh dak  têh dăng, geh nău tâm, ƀư tơm, rsang rnglăy.