Thủ tướng Chính phủ Phạm Minh Chính mhe ký siƀŭt njuăl đă mpeh nău tĭng ƀư ăp trong nkra đăp mpăn pă an điện tâm khay wai năm 2023 n’hanh let năp tay. Tâm nê, Thủ tướng đă Tập đoàn Điện lực Việt Nam: Rgum ăp tơm ndơ, nsrôih lĕ n’hâm tâm nău rđău đă tĭng ƀư ăp kôp, geh nău tam ăp trong nkra đăp mpăn pă an điện; tĭng ƀư jăp ăp quy định n’hanh tĭng ăp nău rđău đă bah Thủ tướng Chính phủ, ntĭm nti bah Bộ Công Thương mpeh nkô̆ nău dja.

Lor nchrăp rdâk njêng ăp trong nchrăp rdâng lơh đah ăp nău jêr jŏt mpeh pă an điện n’hanh tĭng ntĭm nti bah Bộ Công Thương; nkre, ƀư tơm, kan nsum đah ăp n’gâng kan, ăp n’gor ƀư tĭng nău way. Rgum tĭng ƀư geh nău tam ăp trong nkra mpeh n’hao dăng mpêt nkrem điện, lơn  lah tâm khay 6 năm 2023.