N’gơ neh têh ngăn ta Thổ Nhĩ Kỳ kơp bah năm 1939, ƀư hang rbăn nuĭh khĭt, hang rhiăng rbăn nuĭh sôt săk, âk rbăn ndơ ƀư lĕ phah djơh n’hanh Thổ Nhĩ Kỳ lĕ mbơh nău ndal ta 10 n’gor, nkre kuăl jă nău kơl bah lam ntŭr neh. Đah nău rŏng ngăn, Việt Nam lĕ đă du rmôt têh geh 100 đồng chí, tâm nĕ geh 76 đồng chí bah N’gâng kan mât njrăng bri dak n’hanh 24 đồng chí bah N’gâng kan Công an lĕ kơl trong kan joi, wơt nuĭh rmanh, ăp đồng chí lĕ rlet rlău dŭt âk jêr jŏt, ntŭl rlong.

Ntoh ngơi ta nar ƀư, Ngih dak, Thủ tướng Chính phủ Phạm Minh Chính rnê N’gâng kan mât njrăng bri dak, N’gâng kan Công an, lĕ mĭn lor tâm ôp tâm nchră chính phủ  mkra ăp nău lam ntŭr neh; kruanh, ntĭm rđău, tâm rgop rjăp đah ăp n’gâng kan, nău kan, ƀon lan n’hanh ăp rmôt geh tât đăp mpăn an rmôt râng ntop kơl nuĭh n’hanh kơl nău n’gơ neh ta Thổ Nhĩ Kỳ rnê lôch uĕh nău kan; rgop n’hao nsing nơm bah Việt Nam ta lam ntŭr neh.