Ta rơh tâm mâp, Thủ tướng đă, an geh mbơh ƀư tay an săk rnglăy lơn ăp trong kan, nău kơl kan ntĭm nti, mât n’hanh mât chăm oh kon se lah nsum, ntĭm nti oh kon se mô nă blău ngơi lah êng.

Tâm nĕ, rgum doh rklaih ăp nău mô tŏng ndơ ntĭm nti, ngăn lah ta ăp nkuăl ƀon têh têh, nkual công nghiệp. An geh ryơk đah kon hoc, mô geh tâm nglah tâm mưch, an geh ryơk nău ntrŭnh tâm ban bu ur bu klô bâh kon nuĭh, bâh nĕ mơ geh njrăng nău tâm lơh đah oh kon se, mơ mô geh nău nai nti geh ăp nău kan mô di đah oh kon se. Thủ tướng đă an geh ntrôl dăng nău kan mbơh tơih săk rnglăy ăp nău ntrŭnh, nău kơl mpeh nuĭh quet nte, tâm nĕ geh oh kon se quet nte, kon hoc geh nău tât quet nte.