Kêng măng 11/6, Thủ tướng Chính phủ Phạm Minh Chính đă tât n’gor Quảng Ninh gay uănh nđôi nău nkra njêng n’hanh pă điện ta Công ty Nhiệt Đới Mông Dương; Công ty cổ phần Nhiệt Quảng Ninh n’hanh trong kan joi ƀư, pă sah ônh an ăp ngih măy nhiệt điện Công ty cổ phần sah ônh Hà Tu.

Uănh nđôi ăp nău ƀĭt joet nkra njêng n’hanh an ndơ, ntrŭt nsôr cán bộ, phung pah kan Ngih măy nhiệt điện Mông Dương, Thủ tướng Chính phủ Phạm Minh Chính đă Công ty rhoăt tay tâm nău ntĭm rđău, ƀĭt joet n’hanh dŏng măy mŏk, ndoh ndơ, ngih măy; mô tăch gưl ma an tâm di dêr an geh nău mâp ndal; đă ntŭk kan ƀư uĕh trong kan nchroh mbơh n’hanh nchrăp ăp nău geh gay mât nkra njêng, pah kan, đăp mpăn an ngih măy dŏng di soan, đăp mpăn nkra njêng, pah kan. Lơn lah, Ngih măy nkra tay n’hanh kơt dŏng khoa học kỹ thuật an nkra njêng điện, nkre kơt tĭng geh săk rnglăy tâm di an mât uănh, dŏng ngih măy n’hanh trong mkra đăp mpăn rnă njrăng nu nău tĭng tâm di nar lơ âk.