Thủ tướng uănh nđôi ndal nău rvăt năp dak si, ndơ dŏng dak si ta Hà Nội
Thứ tư, 09:59, 12/04/2023
VOV Tây Nguyên/Nuĭh rblang: Thị Đoắt
VOV Tây Nguyên/Nuĭh rblang: Thị Đoắt
VOV4.M'nông- Ôi lơ 11/4, Thủ tướng Chính phủ Phạm Minh Chính lĕ uănh nđôi ndal nău ƀư tĭng Nghị quyết 30 bâh Chính phủ mpeh rvăt năp ndơ dŏng dak si n’hanh Nghị định 07 bâh chính phủ mpeh nău kan mât uănh ndơ dŏng dak si ta ngih dak si Bạch Mai, ngih dak si Nhi Trung ương n’hanh ntŭk kan Đông Anh, ngih dak si Nhiệt đới Trung ương ta Hà Nội.
Thủ tướng lah na nê̆, Đảng, ngih dak dŭt mât uănh tât săk soan bâh nuĭh ƀon lan, lôch geh ntoh nău mô tŏng dak si lĕ geh nău ntĭm đă ngăch ndal, đă ăp nuĭh ji an geh đăp mpăn gŭ săm ngăch an bah ji.
Đah nău tâm rgop mpeh ntŭk gŭ, nău rêh an nuĭh tât mât chăm nuĭh ji, Thủ tướng an lah, neh dak dôl tâm rnôk hun hao, ndơ dŏng bâh ăp ngih dak si ê hŏ geh tŏng ăp kơt nău ŭch, an geh ndâk nkra mbrơi mbrơi, ngăn lah ta ngih dak si Nhi trung ương, ê hŏ tŏng nău kan gay ma an êng nuĭh ji n’hanh nuĭh ta rnăk vâl gŭ, dăn đă ngih dak si n’hanh nuĭh tâm rnăk vâl tâm rgop, nta nău dơh nơih ueh ngăn gay ma ndrel mât chăm an nuĭh ji, der nău jêr jŏt.
Viết bình luận