VOV4.M’nông – Kêng măng lơ 6/2, uănh nđôi, ntrŭt đă tay ăp nău nchrăp ƀư khlay nău kan ntung trong, Thủ tướng Phạm Minh Chính lĕ hăn uănh nđôi, ntrŭt đă, gĭt nu nău, mkra ăp nău jêr jŏt, wăk kol n’hanh ntrŭt nsôr, mbah rhơn Tết rmôt cán bộ, phung pah kan dôl kan ta ntŭk ƀư trong cao tốc Mỹ Thuận-Cần Thơ n’hanh nău nchrăp ƀư ntung Mỹ Thuận 2. Cao tốc Mỹ Thuận-Cần Thơ hăn rlău 2 n’gor Vĩnh Long, Đồng Tháp. Jêh rnôk trong cao tốc aơ jêh, tâm rgop đah trong nkual ƀon têh Hồ Chí Minh-Trung Lương, Trung Lương-Mỹ Thuận n’hanh ntung Mỹ Thuận 2, jêng trong cao tốc jêh bah nkual ƀon têh Hồ Chí Minh-Cần Thơ, rgop n’hŭch âk ndeh, rmanh prah tâm tom ta quốc lộ 1. Ta aơ, Thủ tướng đă n’gor Vĩnh Long n’hanh n’gor Đồng Tháp ndăn jêh nău sŏk neh an ƀư trong; ăp ding geh tât tâm rgop rjăp gay ngăch 3 khay n’hanh n’hao uĕh. Thủ tướng du tơ̆ tay lah nău mbơh ƀư ăp nău nchrăp ƀư trong cao tốc an hăn tĭng trong sŏng ngăn, đêt ngăn; Nkre, ăp ntŭk an mât nuih n’hâm n’hao uĕh, ntuh kơl sŏng, di, mô kâp knơm tâm Trung ương tâm nău ndâk ƀư ăp nău nchrăp ƀư trong cao tốc.

Nuĭh rblang: Y Sưng Phê Ja