Tâm bôk nau hăn khâl ngăn Việt Nam, Thủ tướng Chính phủ Phạm Minh Chính ndrel Thủ tướng Hà Lan Mark Rutte hŏ ndrel râng nau tâm nchră nau kan prêh Việt Nam-Hà Lan, ăp ntoh măt tâm nchră ăp nkô̆ nau geh tât ăp nkô̆: Việt Nam hao tât ntŭk prêh ngăn tâm ăp nau kan prêh: Nau uănh tă bah ăp ntŭk kan tăch rgâl bah lam ntur neh; Hun hao ndrel mât nŭih geh nau blau công nghệ prêh Việt Nam: Nau kan ndrel nau đă nkah...Ntoh nau ta aơ, Thủ tướng Hà Lan Mark Rutte mbơh, tâm rơh khâl Việt Nam rnôk aơ, păng geh bơi tât 30 ntŭk kan tăch rgâl nau kan prêh bôk năp bah Hà Lan hăn tĭng, âk công ty ƀư nau kan prêh bah Hà Lan geh ăp nau kan ntuh kơl, âk ntŭk kan êng dôl joi trong ndrel mra ntuh kơl, tâm boh ta Việt Nam.

Ntoh nau tâm nar tâm nchră văng sa ndrih, Thủ tướng Phạm Minh Chính ân lah, hun hao văng sa ndrih ndrel nâp lah mpông ndrel trong hăn tâm di bah ăp dak lam ntur neh. Thủ tướng rnê prêh nau kan leo trong bah Liên minh Châu Âu (EU) tâm nau ntrŭt dăng ndâk du jâng văng sa ndrih ndrel ueh. Thủ tướng Chính phủ đă ăp N’gâng kan, ntŭk kan, n’gor ndrel nsum mpôl lam nsum ntŭk kan tăch rgâl Việt Nam ndrel EU ân geh ntrŭt dăng ndrel ƀư rjăp nau ton tâm boh hŏ geh đah Việt Nam ndrel EU; ton mra mât nau dơi geh ngăn bah tơm ntuh kơl tă bah dak ba dih tâm moh nau kan, mro ndrel ma ăp ntŭk kan rlet nau jêr, ntul rlong, ndăn nau dơi gay pah kan ân đăp mpăn, jŏ jong ta Việt Nam tâm nuih n’hâm ‘geh nau dơi tâm ban, mâp nau jêr tâm pă”./.