VOV4.M’nông – Kêng măng lơ 10/1, Thủ tướng Chính phủ Việt Nam Phạm Minh Chính n’hanh Thủ tướng Chính phủ Lào Phankham Viphavanh mâp doanh nghiệp 2 dak. Ta rơh mâp đah nuĭh kruanh 2 dak, ntoh măt ăp doanh nghiệp têh bah Việt Nam ta Lào mĭn lah nău mĭn kan ndrel ntuh kơl jŏ jong, nâp nâl, nkoch âk nău dăn đă, đah Chính phủ n’hanh ăp n’gâng kan nău kan 2 dak.

Thủ tướng Việt Nam n’hanh Thủ tướng Lào mâp doanh nghiệp

Ăp doanh nghiệp nkoch nău nsrôih ơm jêh ăp nău nchrăp ƀư têh, khlay dôl dơi ƀư gay dơi geh nău mhe kan ndrel wăng sa đah 2 dak. Ntoh ngơi ta rơh mâp, Thủ tướng Chính phủ Việt Nam Phạm Minh Chính đă ăp n’gâng kan, nău kan n’hanh doanh nghiệp 2 dak n’hao boăt nthoi, ntop kơl đah 2 jâng wăng sa Việt Nam-Lào uănh khlay, prăk kaih, ntung trong, ŭnh nar, viễn thông, pâl nđaih, kan ndrel boăt nthoi 3 jâng wăng sa Việt Nam-Lào-Campuchia n’hanh đah ăp dak êng tâm nkual.

Nŭih blang: Y Sưng Phê Ja