VOV4.M’nông: Kêng măng 18/3, ta ntŭk kan Chính phủ, Thủ tướng Chính phủ Phạm Minh Chính hŏ vơt wa Thomas Vallet, Giám đốc bôk nau kan Việt Nam ta Đại học Harvard ndrel nŭih ƀư nau kan tâm Đại học Fulbrigt Việt Nam. Tâm nar vơt, Thủ tướng Phạm Minh Chính rnê prêh ngăn nau rgop bah wa Thomas Vallely tâm nau ndâk Đại học Fulbrigt Việt Nam ndrel rhơn Đại học Fulbrigt geh âk nau dơi ueh mpeh nau ntĭm nti ndrel nau mĭn. Tâm rnôk aơ, Chính phủ Việt Nam dôl ntrŭt dăng ăp nau kan, ntrong kan gay ma ndâk, hun hao văng sa, rêh jêng, kơl an ndâk nau kan, ntrong kan ntĭm nti gay ma ndâk ăp jâng văng sa hun hao nâl nâl ndrel jŏ jong. Tâm nê, uănh năl nau ƀư ueh nau dơi kon nŭih, kon nŭih lah n’gâng tơm, lah nau tơm ngăn ndrel lah nkô̆ bah nau hun hao. Nkre kơp uănh, ƀư ân geh săk tam nau ntrŭnh ntĭm nti ndrel đah khoa học công nghệ lah trong bôk năp, lah nau snôih n’gâng tơm gay ma hun hao neh dak./.

Nŭih rblang: H’Thi