Ta nar wơt, Thủ tướng răm rhơn dơi mâp Đại sứ nkhêp di Thủ tướng nchrăp khâl du đêt dak châu Âu n’hanh râng rƀŭn nchră gưl prêh nkah gĭt 45 tâm boh ASEAN-EU nău khlay tâm boh tâm nchră ASEAN-EU. Thủ tướng mbơh mpeh nu nău wăng sa-rêh jêng 11 khay bôk năm, ăp ndơ geh bah tâm nău rgâl mhe kơt ăp nău rƀŏng hun hao jŏ jong ma Đại hội Đảng lam dak rơh tal 13 n’gluh an, Thủ tướng mĭn lah Việt Nam ƀư tĭng trong tâm nchrăp đăp mpăn, ƀư tơm, âk trong, âk ntil; nsrôih rgum lăp lam ntŭr neh jru hvi, ngăn ngên, săk rnglăy...

Thủ tướng wơt Đại sứ, Kruanh mpôl ntoh măt Liên minh châu Âu ta Việt Nam

Thủ tướng đă 2 ding tâm rgop rjăp gay ƀư geh săk rnglăy Hiệp định tăch rgâl dah rŏng EVFTA n’hanh nsrôih ntrôl ăp dak tâm EU ƀa ƀă ơm uănh an tâm ton mât njrăng ntuh kơl EVIPA; ntrôl dăng kan ndrel tăch rgâl-ntuh kơl đăp mpăn nău geh tâm di, nău mâp tâm pă, ndrel ƀư dơi; ăp nău kan, nău nchrăp ƀư kan ndrel hun hao an Việt Nam.